Tangazo Muhimu Kuhusu Uchaguzi wa Chaukidu

Kwa wanachama na wakereketwa wote wa CHAUKIDU, Kamati teule ya Katiba na Uchaguzi ingependa kuwajulisha kwamba kama ilivyoazimiwa katika mkutano mkuu wa mwaka uliopita, tutakuwa na uchaguzi wa viongozi wa CHAUKIDU mwaka huu. Kamati imeanza maandalizi ya mchakato wa uchaguzi ambao unalenga kukamilisha zoezi la uchaguzi ifikapo kati kati ya mwezi Aprili mwaka huu.  Ili uweze kushiriki kikamilifu katika uchaguzi huu (uweze kuchagua au kuchaguliwa), ni muhimu kuhakikisha kwamba wewe ni mwanachama hai wa CHAUKIDU na uwe umelipa ada zako za uanachama hadi mwaka huu wa 2019. Tunaomba utume haraka taarifa zako sahihi kwa Mkurugenzi wa CHAUKIDU au moja kwa moja kwenye anuani ifuatayo ya Kamati ya Katiba na Uchaguzi ya CHAUKIDU <kkuchaukidu@gmail.com>. Tafadhali usisahau kutupatia anuani yako ya barua pepe ambayo tutaitumia kuwasiliana na wewe moja kwa moja. Changamkia fursa ya kuwapata viongozi mahiri wa chama ambao watatuongoza kwa kipindi kijacho, shiriki kikamilifu katika mchakato wa uchaguzi wa CHAUKIDU – 2019. Tunaomba utume taarifa hizi haraka sana, kabla ya tarehe 20 mwezi huu wa Februari 2019. Asanteni sana!

Dr. Elias J. Magembe Kny. Kamati ya Katiba na Uchaguzi CHAUKIDU